என்னவளிடம்!

உயிர்த் தோழி ஒருத்தி
உரையாடலின் போது சொன்னாள்!

மின்னஞ்சல் பல அனுப்பி
தினமும் என் நேரத்தைத் தொலைக்கிறான்!

புகைப்படங்கள் அனுப்பி,
பாரெனப் படுத்திகிறான்!

தொலைபேசியிலும் அழைத்துத்
தொல்லை தருகிறான்!

சொல்லி முடித்த பிறகு
எள்ளி நகையாடினாள்,
கஜினி முகமது-விற்குப் பிறகு
விடாமுயற்சிக்கு இவனும்
ஓர் எடுத்துக்காட்டு, என்று!

என்னைப்போல் இன்னொருவனும்
இதேபோல் ஓர் உரையாடல் கொண்டிருப்பானோ?

என்னவளிடம்!

~